Manifestadeg evit Diwan en Oriant

Gervel a reomp da vanifestiñ disadorn en Oriant evit sikour Diwan. An emgav a vo da 3eur war plasenn ar Frankiz (n'eo ket mui war plasenn an ti-kêr).

TKB e Roazhon dilun

D'al Lun 26 e vo skignet Tele Kreiz-Breizh a-raok "Brezhoneg e 6 miz" en Tambour e Skol-Veur Roazhon 2 da 17h15. Digoust eo !

TKB e Montroulez Disadorn

D'ar Sadorn 24 a viz Meurzh e vo skignet Tele Kreiz-Breizh hag Enez Black Mor e sal Ar Salamandr da 4e. Da heul e vo aozet un diviz gant Laors Skavenneg (rener arzel Dizale) ha gant Setu !

TKB e Karaez diriaou

D'ar Yaou 22 e vo aozet Devezh ar Sinema e Brezhoneg e sinema ar Gazeg C'hlas (Grand Bleu) e Karaez.
Kinniget vo Tele Kreiz-Breizh a tresadennoù-bev. Digoust eo, neuze deuit niverus !

Webnoz en Oriant dilun (19.03.2007)

Ur pennad-kaoz a vo gant Setu dilun e-pad abadenn Webnoz. Tu zo deoc'h sellet outi war-eeun da 8e30 noz en ur vont war www.brezhoweb.com

Setu war FR3 d'ar Sadorn 10 a viz Meurzh

Disadorn 'oa Tangi Merien (Prezidant Setu) ha Manuel Quemizet (Bezprezidant) en abadenn Digor Din o kinnig Tele Kreiz-Breizh hag ar gevredigezh. Kit war al liamm el lodenn "Pennadoù-kazetenn" da sellet ouzh an abadenn-se !

Skeudennoù Tele Kreiz-Breizh !!!

Kit da welet skeudennoù Tele Kreiz-Breizh e traoñ ar blog !